تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !
غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !
.........
وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !
تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !
يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
كل ما جيتك .. تخالف !
قول إذا ع البُعد حالف
وما تبي ترجع لي ثاني !
قول ..
علمني ..
عشاني
لا تعلِّقني .. ب دربك
بين قلبي .. وبين قلبك !
ما أبي أكثر .. أعاني ..
ع الأقل , عطني [ نهايه ] ..!
من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن ب لحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع لل " بدايه " ..!
موضوع: نمت وفي حلمي لقيتك 
الأحد مايو 02, 2010 8:53 pm
